Schwartz: Tërnava është diktator

Njëri nga studiuesit më të spikatur të islamit në Ballkan, Schwarts thotë se Tërnava është diktator, i cli duhet të largohet nga strukturat udhëheqëse të fesë islame në Kosovë

Drejtori ekzekutiv i Qendrës për Pluralizmin Islamik me seli në Uashington, Stephen Syleyman Schwartz thotë se feja islami në Kosovë është e rrezikuar nga ekstremizmi, ndërsa këtë rrugë hapur e mban kreu i Bashkësisë Islame të Kosovës (BIK), Naim Tërnava.  

Njëri nga studiuesit më të spikatur të islamit në Ballkan, Schwartz thotë se Tërrnava është diktator, i cli duhet të largohet sa më shpejt nga strukturat udhëheqëse të fesë islame në Kosovë.  

Ai në një intervistë për “Kohën Ditore” thotë se largimi i Tërnavës është parakusht për adresimin e problemeve brenda Bashkësisë Islame të Kosovës, dhe jashtë saj, në luftimin e ndikimeve ekstreme në islamin shqiptar, që tradicionalisht, sipas tij, ka qenë i moderuar dhe tolerant.

Gjithashtu kreun e Bashkësisë islame në Kosovë e akuzon edhe për plagjiaturë të magjistraturës, madje e konsideron edhe me ish liderin komunist të Rusisë, Satalinin duk e quajtur “Stalin Tërnava”.

“Problemi kryesor është diktatura e Naim Tërnavës në BIK prej vitit 2005, Tërnava ka inkurajuar hurhen në Kosovë të radikalëve vehabistë dhe të Vëllazërisë nga Maqedonia”, ka theksuar ai.

Schwartz një gazetar i njohur amerikan më 1997 u bë mysliman hanefi, është autor i shumë librave, në mesin e të cilave edhe disa për shqiptarët. Ai ka botuar studimin “Islami Tjetër” dhe “Dy fytyrat e islamit”. Vepra e tij ”Islami tjetër” ka qenë ndër më të shiturit në Panairin e Librit në Prishtinë.