Së shpejti cigaret do të shuhen automatikisht

Cigaret së shpejti do të ndalen automatikisht nëse duhanpirësi e ka harruar të ndezur. Këshilli Federal ka rishikuar të mërkurën për muajin tetor një sërë urdhëresash për të rritur sigurinë e konsumatorit si dhe për të harmonizuar ligjin me atë të Bashkimit Evropian.

Urdhëresa për duhanin duhet të plotësohet për t’u siguruar kundër zjarrit sipas normave të hyra në fuqi që nga nëntori i kaluar në BE. Në të ardhmen cigaret do të jenë të disenjuara në mënyrë që në tre nga katër raste ato të shuhen nëse duhanpirësi nuk i konsumon.

Kjo do të zvogëlojë numrin e viktimave të vdekura dhe të plagosura nga zjarri i shkaktuar nga cigaret. Një periudhë kalimtare prej gjashtë muajsh është dhënë afat për prodhuesit dhe importuesit për të përmbushur kërkesat e reja.