Serbët protestojnë në Shtërpcë, kërkojnë më shumë siguri

Qytetarët serbë kanë protestuar në Shtërpcë lidhur me plagosjen e dy të rinjve të nacionalitetit serb që ndodhi të premten më 6 janar.

Qytetarët serbë kanë protestuar në Shtërpcë lidhur me plagosjen e dy të rinjve të nacionalitetit serb që ndodhi të premten më 6 janar.

Kryetari i Listës Serbe, Goran Rakiq në fjalën e tij ka kritikuar kryeministrin Albin Kurti duke thënë se “regjimi i tij është edhe në Shtërpcë siç ishte edhe në veri”, përcjell Albinfo.ch

“Jemi këtu, pas 20 ditëve të qëndrimit të vëllezërve tonë në barrikada në veri të Kosovës. Regjimi i Kurtit është në Shtërpcë ashtu siç është në veri. Siç e shihni nuk jemi të lodhur, për 20 ditë nuk e kemi sulmu asnjë shqiptarë me qëllimin që të mos japim arsye shqiptarëve – qeverisë Kurti për sulme. Ata duhet të ofrojnë siguri e jo të na frikësojnë”, ka thënë Rakiq.

Ai u ka kërkuar qytetarëve serb të mos dorëzohen.

Ndërsa kryetari i Shtërpcës tha se Kurti duhet të ndaloj sulmet.

“Duam ta dërgojmë mesazhin se askush s’mund të na prek dhe të na largoj. Rezultati aktual i qeverisjes është që të na sulmojnë. Kurti duhet të ndaloj sulmet ndaj fëmijëve tonë”, ka thënë Jevtiq./Albinfo.ch/

---