Serbi i cili gëzohet për pranimin e Kosovës

Serbia kundërshtoi fuqishëm pranimin e Kosovës në UEFA, edhe pse nuk ia arriti qëllimin, por një serb ka dalë pro pranimit të Kosovës, megjithatë është kryqëzuar në Serbi

Serbia ende nuk e njeh Pavarësinë e Kosovës. Për më tepër serbët kanë kushtuar në çdo vend, aty ku Kosova ka kërkuar njohje. Kjo ka ndodhur edhe në sport, shkruan albinfo.ch.

Së fundi Kosova u pranua në UEFA. Edhe këtu Serbia kundërshtoi fuqishëm, por nuk ia arriti qëllimit. Megjithatë për dikë, politika dhe sporti duhet të ndahen.

Branko Ruzhiq, zëvendëspresidenti i Partisë Socialiste serbe dhe drejtues i lartë te skuadra e Partizanit të Beogradit, u shpreh entuziast për njohjen e Kosovës. Ai është nënkryetar në Partinë Socialiste në Serbi dhe njeriu i dytë i Partizanit të Beogradit, aty ku Fadil Vokrri kujtohet si legjendë. Ai ka mirëpritur vendimin historik nga UEFA, madje duke postuar fotografi me kreun e Federatës së Futbollit të Kosovës.

Ruzhiq, një personazh nga gjenerata e re e politikës serbe, ka shkruar se është sportive dhe njerëzore një vendim i tillë, teksa ka thënë se politika duhet të lihet jashtë futbollit. “Parandalojini teoritë konspirative! Sportistët dhe njerëzit le të luajnë futboll, refuzoj politikën! Fadili gjithmonë ka qenë njeri!”, shkroi Ruzhiq. Ajo çfarë pasoi ishte një mori komentesh fyese në adresën personale të politikanit realist, dhe serbët nuk e kanë pritur aspak mirë vendimin e tij.