Kosova

Serbia nuk i lejon qeveritarët e Kosovës t’i vizitojnë shqiptarët në Luginën e Preshevës

Lajmin për mosdhënien e lejes për të hyrë në Serbi, e kanë konfirmuar zyrtarë nga Këshilli Kombëtar Shqiptar në Luginë të Preshevës, duke thënë se vizita shtyhet për një afat tjetër të papërcaktuar.

Serbia po vazhdon edhe më tej që mos t’i lejojë qeveritarët e Kosovës t’i vizitojnë shqiptarët në Luginën e Preshevës.

Një vizitë të tillë kishin dashur ta bënin në Luginën e Preshevës edhe zëvendëskryemimistri Besnik Bislimi, i cili është shef i delegacionit të Kosovës në bisedimet në Bruksel, dhe  ministrit të Punëve të Brendshme, Xhelal Sveçla. Por për një vizitë të tillë nuk ka dhënë leje Qeveria e Serbisë.

Siç raporton RTK, të dy këta zyrtarë të lartë të Kosovës, kanë pasur në plan të vizitojnë Luginës së  Preshevës, pikërisht disa ditë para se në Bruksel të mbahet takimi mes kryeministrit të Kosovës, Albin Kurti dhe presidentit të Serbisë, Aleksander Vuçiq, me ndërmjetësimin e BE-së, përcjell Albinfo.ch.

Lajmin për mosdhënien e lejes për të hyrë në Serbi, e kanë konfirmuar për RTK-në, zyrtarë nga Këshilli Kombëtar Shqiptar në Luginë të Preshevës.

Sipas tyre, kjo vizitë nuk do të realizohet prandaj edhe shtyhet për një afat tjetër të papërcaktuar./Albinfo.ch/


LAJME INTERESANTE NGA INTERNETI