Shaqiri flet për golat ndaj Unitedit, kalimin në Liverpool dhe bashkimin me Kloppin

Ylli shqiptar ka thënë se është e papërshkueshme të shënon ndaj Manchester United në derbi

Xherdan Shaqiri po shkëlqen te Liverpooli në këtë sezon, duke u treguar si një nga transferimet më të mira në Angli.

Ai e nisi me këmbë të mbarë me të “Të Kuqtë”, kur i shënoi Manchester United në turneun në Amerikë. “Ishte një nga ndjesitë më të bukura në karrierën time të them të drejtën. Ishin 100 mijë tifozë në stadium dhe ishte ndeshja e parë me Liverpoolin. Ishte miqësore, por ishte derbi dhe ndeshje e madhe”, ka thënë Shaqiri për “Liverpoolecho”.

Më pas shënoi edhe dy gola në Premierligë ndaj “Djajve të Kuq”. “Është e papërshkueshme të flasësh për këto gola. Në sy të Jurgen Klopp, në një ndeshje të Premierligës. Nëse shënon në ndeshje të tilla, është shumë e veçantë. Ndeshjet kundër Manchester United janë të veçanta. Tifozët janë më të zhurmshëm. Është më ndryshe. Tifozët jetojnë për këto momente”, shton tutje Shaqiri, përcjell albinfo.ch.

“Jam shumë i lumtur që ju kam bashkuar Liverpoolit. Isha i lumtur në Stoke, por kishte edhe momente jo të mira, si rënia në një ligë më poshtë. Edhe më parë isha afër Bayernit, kur trajneri Brandan Rogers më thirri. Isha në Bayern në atë kohë, por tani jam i lumtur këtu. I thash vëllait tim të mos dëgjojë për oferta tjera, sepse dua të punoj me Jurgen Klopp dhe të kaloj te Liverpooli”, përfundoi Xherdan Shaqiri.

---