Shaqiri kërkon titullin e kampionit me Liverpoolin

Xherdan Shaqiri është duke kaluar formë të mirë me Liverpoolin, në sezonin e tij të parë me “Të Kuqtë”. Shaqiri ka paralajmëruar rivalin për titull të kampionit Manchester City, se skuadra e tij do të luftojë deri në fund për ta fituar titullin këtë sezon, shkruan Albinfo.ch

“Ne do të jemi aty deri në fund. Nuk do ta shikojmë Man Cityn, ne duhet ta shohim vetveten dhe të provojmë që të dhurojmë paraqitje të mira në fushë dhe të fitojmë ndeshje. Kjo është më e rëndësishmja”, deklaroi Shaqiri.

Liverpooli gjendet në pozitën e dytë në Premierligë, me 33 pikë të tubuara, dy më pak se Manchester City i cili është lider.