AUTOTECH

SHBA i bën thirrje Evropës të mos i përdorë pajisjet e Huawei-t

Qeveria amerikane pretendon se Pekini përdor pajisjet Huawei për spiunazh, një akuzë refuzuar në mënyrë të përsëritur nga ana e kompanisë kineze

Shtetet e Bashkuara të Amerikës janë duke udhëhequr një fushatë për të bindur aleatët evropianë të mos përdorin pajisjet e Huawei në ndërtimin e rrjeteve të reja të telekomunikacionit 5G për shkak të rrezikut të spiunazhit kinez.

Pas takimit me Komisionin Evropian dhe qeverinë belge në Bruksel, zyrtarët amerikanë kanë në program kontaktin me qeveritë e tjera evropiane për të shpjeguar se Huawei është një rrezik për sigurinë.

“Ne jemi duke thënë se duhet të jemi shumë, shumë të kujdesshëm dhe u bëjmë thirrje njerëzve të mos nxitojnë përpara se të nënshkruajnë kontrata me furnizues nga vende si Kina”, theksoi zyrtari, transmeton ‘ATSH’.

Presioni i Shtëpisë së Bardhë dhe aleatëve që të bojkotojnë Huawei në rrjetet 5G u shpall nëntorin e kaluar nga një artikull në “Wall Street Journal”, në të cilën u fol për një “fushatë të jashtëzakonshme”, përcjell albinfo.ch.

Qeveria amerikane pretendon se Pekini përdor pajisjet Huawei për spiunazh, një akuzë refuzuar në mënyrë të përsëritur nga ana e kompanisë kineze.