SHBA-ja do t’i afrojë aeroplanët ushtarakë dhe anijet më pranë Izraelit

Keystone (AP Photo/Fatima Shbair)

Shtetet e Bashkuara të Amerikës do t’i lëvizin anijet e marinës dhe aeroplanët luftarakë më afër Izraelit, kanë konfirmuar dy zyrtarë amerikanë, raporton Skynews.

Lëvizjet po planifikohen për të shfaqur më shumë mbështetje për Izraelin kundër sulmeve të Hamasit, derisa u tha se jo të gjitha anijet do të ankorohen brenda ditës, ndërsa vendosja e aeroplanëve pritet të bëhet më shpejt, përcjell albinfo.ch.

Vendimi pritet të hyjë në fuqi së shpejti, teksa sipas raportimeve, anijet do të përdoren edhe për evakuime nga Gaza.

Ndryshe, autoritetet izraelite i kanë kërkuar ndihmë ushtarake Shteteve të Bashkuara të Amerikës, por specifikat e kërkesës nuk janë bërë të ditura.