SHBA paralajmëron Ukrainën: Rusia sulmon brenda 48 orësh

EPA/STANISLAV KOZLIUK

Shtetet e Bashkuara të Amerikës kanë paralajmëruar sërish qeverinë e Ukrainës se, sipas të dhënave më të fundit të inteligjencës, sulmi i plotë rus është i afërt, raporton CNN, duke cituar zyrtarë amerikanë dhe të shteteve perëndimore, që kanë dijeni për këtë çështje. Ndërsa media tjetër amerikane, “Newsweek”, tha se paralajmërimi ishte bërë se sulmi mund të vinte brenda 48 orësh.

Alarmi vjen në një kohë kur, sipas Pentagonit, forcat ruse në kufi me Ukrainën janë “pranë arritjes së 100% të kapacitetit”. Departamenti i Mbrojtjes gjithashtu tha se Putin do të jepte shumë shpejt urdhrin për sulm. “Vetëm në Detin e Zi janë rreth 12 anije luftarake ruse. Shumica janë gati për luftë”, tha një zyrtar i Pentagonit.