Shënohet muaji i kancerit të Gjirit

Bazuar në të dhënat ndërkombëtare, çdo 2 minuta një femër diagnostikohet me karcinomë të gjirit dhe çdo 13 minuta një grua vdes nga kjo sëmundje

Task Forca Kosovare për Kontroll të Kancerit, përmes një aktiviteti të zhvilluar në Prizren ka shënuar muajin botëror për luftë kundër kancerit të gjirit. Duke e zhvilluar konceptin e “Rolit të artit në rehabilitimin e pacientëve me kancer” Task forca ka bërë të mundur që një numër i vullnetarëve, paciente që tashmë e kanë mundur këtë sëmundje të takohen në Prizren.

“Duke konsideruar faktin që karcinoma e gjirit është karcinoma më shpesh e diagnosikuar tek femrat si dhe shkaktari i dytë i vdekjes tek femrat, TKKK kishte për qëllim që përmes kësaj fushate t’u mundësojë të mbijetuarve një formë të socializimit.

Nga ana tjetër, bazuar në të dhënat ndërkombëtare, çdo 2 minuta një femër diagnostikohet me karcinomë të gjirit dhe çdo 13 minuta një grua vdes nga kjo sëmundje, shifra këto alarmante që e obligojnë rritjen e vetëdijesimit qytetar edhe përmes fushatave si kjo e sotmja”, thuhet në njoftim.