Shfaqet filmi i Angelina Jolie në Prishtinë

"Në vendin e gjakut dhe mjaltit", filmi i yllit amerikan Angelina Jolie është lansuar të mërkurën në Prishtinë

Në premierën e filmit “Toka e Gjakut dhe Mjaltit”, i cili bëri bujë nëpër mediat botërore nuk ka qenë e pranishme regjisorja Angelina Jolie, e as aktorët kryesorë të këtij filmi. Menaxherët e kinemasë kishin zgjedhur pikërisht ditën e Evropës për ta shfaqur premierën e “Tokës së Gjakut dhe Mjaltit”.

Mundësinë e ardhjes së Angelina Jolie në Prishtinë e kishte paralajmëruar edhe Presidentja e Kosovës Atifete Jahjaga, gjë e cila nuk ka ndodhur deri më tash.

“Ardhja e Angelina Jolie në Kosovë do të ndodh në një plan afatgjatë, me siguri brenda këtij viti kurdo që të vie ajo do të jetë një nder i madh është vështirë të realizohen planet afatshkurta duke marrë parasysh angazhimet të cilat i ka ajo”, ka thënë për Zëri menaxherja e kinemasë së vetme në Prishtinë, Miradije Vllahiu.

Angelina Jolie kishte marrë pjesë në premierën e filmit të saj në Bosnje dhe Kroaci.

Filmi ‘In The Land of Blood and Honey’’ flet për luftën, krimet dhe dhunimet nga serbët në luftën e Bosnjës.

Filmi ka si temë rënien në dashuri të një polici serb me Ajlan një artiste boshnjake. Ata ishin shoqëruar para luftës, por kjo marrëdhënie ndryshon tragjikisht kur vendin e kaplon dhuna.

Më vonë, Danieli shërben në njësitin ushtarak të babait të tij, Gjeneral Vukojeviqit.

Ai takohet prapë me Ajlen kur atë e marrin nga banesa e motrës së saj. Të kapluar nga konflikti, marrëdhënia e tyre ndryshon plotësisht dhe urrejtja ia zë vendin dashurisë.

Filmi flet për çmimin e madh emocional, moral dhe fizik që njerëzit duheshin paguar gjatë këtij konflikti.

Ky film u prit me polemika të shumta në Serbi.