Shkëlqimi i Akil Gjakovës në Kampionatin Evropian

Xhudisti kosovar fitoi medaljen e artë në Evropianin U-23, duke treguar paraqitje të jashtëzakonshme

Akil Gjakova fitoi medaljen e artë Kampionatin Evropian U-23. Xhudisti kosovës vazhdoi formën e mirë të shfaqur këtë vit, duke u shpallur kampion i evropianit, që po mbahet në Gyor të Hungarisë.

Gjakova në finalen e kategorisë deri në 73 kilogramë, mposhti me Ippon Rufat Mamadov të Azerbajxhanit, përcjell albinfo.ch.

Paraprakisht, Akili kishte shënuar edhe katër fitore tjera, ndërsa raundin e parë e kaloi pa luftë.

Në raundin e dytë mundi serbin, Filip Jovanoviq, të të tretin mposhti holandezin, Roy Schipper, kurse në çerekfinale italianin, Gabriele Sulli. Fitore maestrale me Ippon shënoi në gjysmëfinale ndaj Marcel Cercea të Rumanisë.

Paraqitjet e mira të Akil Gjakovës kanë rënë në sy edhe të mediave të huaja, derisa faqja e Federatës Evropiane “EJU”, ka përzgjedhur disa nga momentet më të mira.

---