Shkurt.ch
Shkrimtari kosovar merr titullin “Doktor Honoris Causa” në Zvicër
Shkrimtari nga Kosova, Fahredin Shehu, është nderuar me çmime në Zvicër, me ç’rast ka marrë edhe titullin Doktor Honoris Causa, përcjell albinfo.ch.
Lajmin për media e kanë bërë të ditur nga Fondacioni për Edukim, Kulturor dhe Trashëgimi.
“Senati i Akademisë UNIVERSUM, në Lugano të Zvicrës i dha plaketën e artë presidenciale dhe Diplomën e Doctor Honoris Causa si dhe Akademik honorabël pranë kësaj Akademie shkrimtarit Fahredin Shehu”, thuhet në njoftim.
Fahredin Shehu edhe më herët, për punën e tij kreative, është shpërblyer me çmime të rëndësishme, si: Medalje e artë nga Filipine për letërsinë si urë lidhëse mes kombeve, çmimi Veilero në Itali, çmimi Naaji Naaman në Liban etj. Shehu është autor i 18 librave të botuar, nëntë prej të cilëve në anglisht, italisht, serbisht, si dhe ka hartuar disa Antologji të poezisë bashkëkohore, përcjell albinfo.ch.
Shehu është i përkthyer në dhjetëra gjuhë botërore, si anglisht, frëngjisht, spanjisht, greqisht, hebraisht, persisht, kinezisht, japonisht, bahasa, malteze, frisiane, bullgarisht, rumanisht, serbisht, maqedonisht, gjuhë rome etj., dhe ka marrë pjesë në shumë festivale botërore, si në Maqedoni, Francë, Belgjikë, Itali, Malta, Izrael, Liban, Egjipt, Turqi etj, thuhet tutje në komunikatë.
Shehu është drejtor për kulturë të Inner Child Press International LTD. në New Jersey. Fahredin Shehu po ashtu është drejtor i festivalit ndërkombëtar të poezisë, i cili mbahet tash e pesë vjet, çdo shtator në Rahovec.
Të ngjashme
Të tjera nga Shkurt.ch
E-Diaspora
-
Kurti dhe Rozeta Hajdari vizituan Panairin e “Hannover Messe 2024” Gjermani: Ministrja e Industrisë, Ndërmarrësisë dhe Tregtisë, Rozeta Hajdari, së bashku me kryeministrin e Republikës së...
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
Jeta në Zvicër
-
Zvicër: Dy trena janë bllokuar në tunelin midis dy stacioneve Të mërkurën në mëngjes pati një ndërprerje në trafikun hekurudhor midis Cyrih-Hardbrücke dhe Cyrih-Oerlikon....
-
Zvicër: Ndërrimi i motit shqetëson bletarët
-
Bankat zvicerane kërkojnë më pak staf
-
Thun dëshiron të ulë taksat
-
Tonelata naftë derdhen në liqenin e Zug-ut