Shkupi ka 1.931 raste aktive me koronavirus

Keystone EPA/GEORGI LICOVSKI

Ministria e Shëndetësisë së Maqedonisë njoftoi se numri i të infektuarve në vend është 3.393 dhe më shumë se gjysma prej tyre, apo 1.931 janë në Shkup.

Më së shumti raste aktive ka në komunën e Çairit, ku janë regjistruar 421 raste. Pas Çairit vjen Gazi Baba me 151 raste, Aerodromi me 147 raste aktive.

Sipas të dhënave të MSH-së, Butelli ka 137 raste, Komuna Qendër 127, Karposhti 128, Saraj 139, Kisella Voda 109, Gjorçe Petrov 86, Studeniçan 95, Shuto Orizare 73, Haraçinë 54, Ilindeni 30, Petroveci 18, Çuçer Sandeva 16 dhe Sopishte 12.