Shkup: Zvogëlohen normat e kredive

Shumica e bankave në Maqedoni kanë njoftuar se duke filluar nja 1 janari i kanë zvogëluar kamatat për lloje të ndryshme të kredive

Me norma më të ulëta të kamatave për kredi e fillojnë punën në vitin 2011 shumica e bankave në Maqedoni. “Tutunska Banka”, “ProCredit Bank” dhe “Banka Komerciale” kanë njoftuar se duke filluar nja 1 janari i kanë zvogëluar kamatat për lloje të ndryshme të kredive, duke vendosur edhe beneficione shtesë për firmat dhe qytetarët, raportojnë agjensitë e lajmeve në Maqedoni.

Në ProCredit Bank kanë njoftuar se nga fillimi i vitit zvogëlohet provizioni gjatë pagesës së kredive për 50 për qind, vendosen lirime në krahasim me depozitën dhe se për shumat prej 5 mijë deri në 10 mijë euro si sigurim do të pranohet vetëm kambiali.

Nga “NLB Tutunska Banka” kanë njoftuar se si rezultat i zvogëlimit të shkallës së kamatës në instancat më të larta edhe ata do t’i zvogëlojnë kamatat e depozitave edhe të kredive për personat fizik dhe juridik.