Shqipëria

Shkurtohet rruga drejt Sarandës

Shkurtohet për 45 minuta kohëzgjatja e udhëtimit nga Tirana në Sarandë

Para së gjithash, ky lajm është i mirë për kosovarët.

Raportohet se rruga e re Kardhiq-Delvinë në Shqipëri, e cila shkurton kohën e udhëtimit drejt Sarandës, është hapur të shtunën, përcjell albinfo.ch.

Ministrja e Turizmit dhe Mjedisit e Shqipërisë, Mirela Kumbaro, publikoi sot pamje të këtij aksi rrugor, teksa bëri të ditur se nga sot do të jetë e hapur për të gjithë qytetarët duke e sjellë bregun fare afër.

“Udhëtimi nga Gjirokastra në Delvinë, e përtej në Sarandë me rrugën e re që nga sot do të jetë e hapur për të gjithë qytetarët, duke e sjellë bregun fare afër”, ka shkruar Kumbaro në rrjetet sociale.

Pjesë e kësaj rruge është edhe tuneli i Skërficës.

Me një gjatësi prej 33 km, përfundimi i rrugës Kardhiq-Delvinë e shkurton me 45 minuta kohën e udhëtimit nga Tirana në Sarandë, (tani kjo rrugë do të bëhet për 3 orë) duke i dhënë një hov të mëtejshëm zhvillimit shumëdimensional të zonës dhe Shqipërisë.

 


LAJME INTERESANTE NGA INTERNETI