Shpërblehet romani për të rinjtë kosovarë

Autorja e krimi-romaneve, zviceranja nga Dübendorfi i Zvicrës, Petra Ivanov për romanin e saj për të rinj «Escape» është shpërblyer nga “Kranichsteiner Jugendliteratur-Stipendium” për vitin 2011, me 12.000 euro. Ajo e mori këtë shpërblim për romanin i cili ishte botuar nga shtëpia botuese “Appenzeller Verlag”, shkruan e përditshmja zvicerane “Zürcher Oberländer”.

Këto shpërblime në formë të bursës jepen nga Fondi i letërisë gjermane në Darmstadt dhe Rrethi i punës për letërsi për të rinj (AKJ) me seli në Mynih. Çmimin e ka ndarë një juri e pavarur duke u mbështetur në punimet e autorëve të ndryshëm të autorëve të letërisë për të rinj. “Escape”, është titulli i dytë i serisë së katër vëllimeve të autores.

Romani për të rinj rrëfen për dëshirat e 16-17 vjeçarëve për tu liruar nga paragjykimet e traditave patriarkale.

Ngjarja është e vendosur në mjedisin e migrantëve shqiptarë nga Kosova dhe rrëfen për tinejxherët të cilët kanë qenë të orientuar nga prindërit e tyre për tu martuar.

Për jurinë ishte shumë e jashtzakonshme që Ivanov ka përshkruar saktë dhe pa dallime mentalitetin e të rinjve zviceranë dhe të atyre kosovarë, si dhe solidaritetin reciprok të tyre.

Përndryshe, autorja është e lindur në vitin 1967 në Cyrih, fëmijërinë e ka kaluar në SHBA. Maturën e përfundon në Cyrih, dhe përfundon studimet për përkthyese në shkollën e përkthyesve në Cyrih.

Përpos kësaj, ajo ka qenë edhe aktiviste e organizatave të ndrsdyhmne humanitare siç janë HEKS, Kisha evangjeliste zvicerane etj. Aktualisht ajo është gazetare e lirë dhe shkrimtare. Veprat e saj më të njohura janë «Duart e huaja» (2005), «Ëndrrat e vdekura» (2006), «Të shtënat e ftohta» (2007), «Gënjeshtrat e heshtura» (2008) «Plagët e thella» (2010) etj.