Shpërndau barna të dëmshme, një muaj paraburgim

Masa i është shqiptuar Naser Gurit për veprën penale Prodhimi dhe shpërndarja e produkteve të dëmshme mjekësore

Departamenti për Krime të Rënda në Gjykatën Themelore në Prishtinë ka aprovuar kërkesën e Prokurorisë Themelore në Prishtinë për caktimin e masës së paraburgimit kundër të pandehurit Naser Guri.

Masa në fjalë i është shqiptuar atij për veprën penale Prodhimi dhe shpërndarja e produkteve të dëmshme mjekësore, nga neni 266 par.6 lidhur me par. 5.1 dhe 2 të KPK- së, transmeton albinfo.ch.

Gurit i është caktuar masa e paraburgimit në kohëzgjatje prej një muaji, duke filluar nga data 05.10.2017 deri më 05.11.2017.