Kosova

Shpronësohen 21 familjet në Shipitullë, nënshkruajnë kontratat me qeverinë

Banorët thonë se kanë pranuar këtë marrëveshje për të mos shkaktuar edhe më shumë probleme energjetike në vend

E hënë, 18 Dhjetor 2017 - 15:15 albinfo.ch

Komisioni i Shpronësimit ka nisur incizimin në terren në Shipitullë në lagjen “Mirena”. Atje, 21 familje të kësaj lagjeje të fshatit në Obiliq kanë arritur marrëveshje për shpronësim, pas ultimatumit për zhvendosje që qeveria u kishte dhënë atyre.

Banorët i kanë thënë KTV-së se kanë pranuar këtë marrëveshje për të mos shkaktuar edhe më shumë probleme energjetike në vend.

Ata kanë thënë se marrëveshja në tërësi nuk është respektuar por kanë marrë premtimin e kryeministrit se të gjitha ankesat do të zgjidhen nga një komision.