Shqiperia
Shqipëri: Rriten çmimet e paketave turistike në Durrës
Paketat turistike për këtë sezon veror pritet të jenë më të shtrenjta krahasuar me vitin e shkuar.
Kjo vjen si rezultat i zhvlerësimit të euros, por dhe rritjes së vazhdueshme të çmimeve të produkteve bazë.
“Ky është një moment shumë i sforcuar nga ana jonë, sepse ne nuk duam të rrisim çmimet. Ne duam të jemi gjithmonë konkurrues në rajon, por kursi i euros na ka bërë një shtrëngesë në pjesën e çmimeve, sepse nuk është pak, është gati 20% humbje, vetëm nga kursi i euros. Kështu që në njëfarë mënyre ka një përqindje rritje shumë të vogël, që është gati e pandjeshme për paketat turistike”, thotë Eduard Xhepa, kryetari i Hoteleri Turizmit.
Kjo rritje e domosdoshme, sipas kryetarit të sektorit të turizmit, nuk pritet të ndikojë në punën e strukturave turistike, të cilët gjithnjë e më shumë po shohin shtim të numrit të turistëve elitarë, transmeton euronews, përcjell albinfo.ch.
“Turistët e këtij sezoni dhe të sezoneve të shkuara janë kryesisht turistë që vijnë të organizuar në grupe me paketa të mbyllura, por ka shumë dhe po shtohet edhe më shumë numri i turistëve elitarë, të cilët vijnë në grupe të vogla individuale, familjare”, shprehet ai.
Operatorët kanë disa kërkesa për pushtetin lokal.
“Pastërtia është e para dhe ajo që ne shikojmë, është që duhet patjetër të shtohet numri i sinjalistikave dhe informacionit turistik dhe duhet patjetër të merren masa për të sistemuar trafikun dhe parkimet”, thotë Xhepa.
Këto i konstatojnë edhe vendasit, të cilët apelojnë për marrjen e disa masave.
Durrësi aktualisht ofron në total 168 hotele, me 4859 dhoma dhe 11,528 shtretër, ku gati 70% e tyre janë tashmë të prenotuar për stinën e verës.
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Zvicër
-
Zvicra vendosi të ndajë të dhënat e pasagjerëve të fluturimit me policinë Pa planin e propozuar, Zvicra do të përballej me disavantazhe ekonomike...
-
4% e shoferëve në Zvicër drejtojnë makinën nën ndikimin e alkoolit
-
Përmbledhje e lajmeve nga Zvicra për të cilat duhet të dini këtë javë
-
Në cilat punë në Zvicër punëtorët e huaj fitojnë më shumë se zviceranët?
-
Kaos në tunelin Gotthard: Shoferët sulmojnë aktivistët e klimës (VIDEO)