Shqipëri: Zbulohet mashtrimi më i madh në Evropë nga Call Center

Prokuroria e Posaçme kundër Korrupsionit dhe Krimit të Organizuar (SPAK) ka dhënë detaje lidhur me operacionin ndërkombëtar, i cili ka goditur një grup kriminal të mashtrimit kompjuterit.

Bëhet e ditur se gjithçka ka nisur në dhjetor 2023, pasi policia gjermane ka parandaluar një tentativë mashtrimi me dëm të mundshëm prej mbi 100,000 Euro, përmes një punonjësi të vëmendshëm të bankës, transmeton A2 përcjell albinfo.ch. Nga numrat e telefonit të grupit të strukturuar kriminal, ka rezultuar në mbi dhjetë mijë raste të mashtrimit, me dëme në mbi 10 milionë Euro. Autoritetet hetuese nga Baden-Württemberg, kanë zbuluar me sukses atë që është ndoshta mashtrimi më i madh në Evropë në qendrat e thirrjeve.

Për këtë rast, në Tiranë janë arrestuar në flagrancë dy shtetas për të cilët hetimi është duke u ndjekur nga Prokuroria pranë Gjykatës së Shkallës së Parë të Juridiksionit të Përgjithshëm Tiranë.