Shqipëria dhe Islanda, vendet me më pak raste të infektimeve

Keystone EPA/MALTON DIBRA

Kryeministri Rama, përmes një postimi në Facebook, shkruan se në matjen globale të pandemisë, Shqipëria dhe Islanda figurojnë dy vendet me më pak raste të infektimeve në kontinentin tonë.

“Në matjen globale të dy javëve të fundit për uljen e rasteve të infektimeve, Shqipëria dhe Islanda figurojnë si dy vendet me më pak raste infektimesh në kontinentin tonë”, shkruan kreu i qeverisë shqiptare.

Mbrëmjen e djeshme, më 7 qershor, kanë mbërritur 11,700 vaksina Pfizer në aeroportin  “Nënë Tereza”, duke kaluar mbi 911 mijë sasinë e vaksinave të mbërritura deri tani.