Shqiperia
Shqipëria, ndër destinacionet më të lira në Europë
Shqipëria dhe Maqedonia e Veriut janë renditur ndër gjashtë destinacionet verore më të lira për t’u vizituar në Europë.
Shumë prej destinacioneve të përmendura janë në Europën Lindore, e cila zakonisht konsiderohet zona më e lirë për të udhëtuar në kontinent.
Sipas raporti të fundit nga Kayak, këto janë gjashtë destinacionet më të lira në Europë.
Sarandë, Shqipëri
Në zemër të Rivierës Shqiptare, Saranda është një vend bregdetar i bukur dhe piktoresk, që dikur ishte një fshat peshkimi i fjetur. Qyteti ka klimë të favorshme, me 300 ditë me diell çdo vit.
Tërheqja kryesore për vizitorët është plazhi me rërë të bardhë, por nëse dëshironi të eksploroni përtej diellit dhe rërës, mund të vizitoni edhe Kalanë e Lëkurësit. Hyrja në kështjellë është falas, ideale për turistët që nuk duan të shpenzojnë shumë.
Një vakt i mirë në Sarandë do t’u kushtojë vizitorëve vetëm 6 dollarë për person.
Shkup, Maqedonia e Veriut
Ndërsa Maqedonia e Veriut mund të mos jetë zgjedhja juaj e parë, kur mendoni për destinacionet Europiane të pushimeve, popullariteti i këtij vendi po rritet me shpejtësi.
Udhëtarët, që kërkojnë aktivitete falas në qytet, mund të shkojnë në shtëpinë përkujtimore të Nënë Terezës, e cila ka lindur atje, ose të eksplorojnë Kalanë e Shkupit.
Një darkë për dy persona kushton vetëm 18 dollarë, ndërsa një birrë 1,50 dollarë.
Galici, Spanjë
E vendosur në veriperëndim të Spanjës, përgjatë bregut të Atlantikut, Galicia ka të gjithë hijeshinë e destinacioneve më të njohura të vendit, si Andaluzia dhe Costa Brava, por me buxhet më ekonomik. Rajoni ka një trashëgimi të pasur kulturore dhe është i famshëm për ushqimet e detit.
Një kafe kushton 1,50 dollarë, ndërsa një vakt me tre pjata për dy persona kushton pak më shumë se 37 dollarë.
Turunc, Turqi
Turqia është një destinacion popullor për turistët, që nuk duan të shpenzojnë shumë. Dikur një fshat peshkimi i përgjumur, Turunci ka det të pastër kristal dhe plazhe me rërë të bardhë.
Në atmosferën e qetë dhe të relaksuar të fshatit, një vakt me tre pjata kushton vetëm 9,50 dollarë për person.
Golden Sands, Bullgari
Golden Sands është një vendpushim i madh dhe popullor plazhi, i vendosur në Bregun e Detit të Zi të Bullgarisë. Katedralja e qytetit, dominon horizontin dhe hyrja është falas.
Në Golden Sands, një birrë kushton vetëm 70 cent, ndërsa një shishe ujë 50 cent. Një vakt me tre pjata për dy persona, kushton rreth 25 dollarë.
Palma, Majorka
Ishulli i vogël spanjoll i Mallorca-s ka qenë prej kohësh një destinacion popullor për turistët. Mallorca është e njohur për plazhet e bukura dhe limanet, si dhe për rrënojat e strukturave romake dhe moorish*.
Sipas raportit të kryer nga Kayak, në Palma vizitorët mund të shpenzojnë 44 dollarë në ditë për ushqim dhe pije. / Travel Off Path
E-Diaspora
-
Gjuha shqipe në Zvicër, një realitet në rritje, që pret të njihet Dr. Dr. Naxhi Selimi: “Kjo qasje ndaj shqipes do të ndryshojë, jo vetëm për shkak të...
-
Marigona do të ngjitet në skenën prestigjioze të operës në Frankfurt
-
Konsulli i Kosovës në Cyrih thirrje bashkatdhetarëve për regjistrim
-
Arbër Rama, “EAZ”, fiton çmimin e parë për hitin zviceran të vitit
-
Jetullah Haliti-Eti hap ekspozitë të arteve pamore në Sion
Jeta në Zvicër
-
Aktivistët e klimës bllokojnë qasjen për në Gotthard, 13 kilometra kolona e automjeteve Trafiku në rrugën për në jug çoi në bllokime trafiku mëngjesin e sotëm dhe përveç kësaj,...
-
Gjuha shqipe në Zvicër, një realitet në rritje, që pret të njihet
-
Konsulli i Kosovës në Cyrih thirrje bashkatdhetarëve për regjistrim
-
Protestat pro-palestineze u mbajtën në katër universitete zvicerane
-
Cyrih: 4 veta ikin nga burgu për të rinj, njëri prej tyre është kapur