Shteti evropian që po ofron dozën e katërt të vaksinës anti-Covid

Qeveria daneze bëri të ditur se po bën plane për të ofruar një dozë të katërt të vaksinës së koronavirusit, këtë vjeshtë, që do të synonte të moshuarit dhe grupet e tjera të cenueshme.

(KEYSTONE/Laurent Gillieron)

Kryeministrja Mette Frederiksen theksoi se 2,5 milionë njerëz do të përfitojnë nga rivaksinimi.

Banorët e azileve dhe të tjerë janë të prirur ndaj një sulmi të rëndë Covid-19, kështu që nga 1 tetori mund të marrë dozen e katërt për mbi 50-vjeçarët, shkruan Dpa, përcjell Albinfo.ch.

Frederiksen tha se strategjia daneze e koronavirusit për muajt e ardhshëm ka katër objektiva: të mbrojë të moshuarit dhe njerëzit e ndjeshëm ndaj sëmundjeve të rënda; të sigurohet që spitalet të mos mbingarkohen; shmangia e kufizimeve sa më shumë që të jetë e mundur dhe të mbajë të hapur ekonominë e vendit.

Të dhënat e reja të infeksionit kanë qenë prej kohësh në një nivel të ulët në Danimarkë.

Ministria e Shëndetësisë tha se po monitoron përhapjen e nënvariantit Omicron BA.5, i cili tani përbën 59 përqind të të gjitha rasteve të hetuara.

LAJME INTERESANTE NGA INTERNETI