Shtrenjtohet bileta vjetore e trenit, shkurtohet rruga për në jug

GA i klasit të dytë me të renë do të kushtojë 3860 franga në vit ose 205 franga më shumë se deri tash. Ndërsa ai i klasit të parë, 6300 franga ose 330 më shumë se tash.

Abonamenti i përgjithshëm vjetor (GA) që vlen për (pothuaj) gjithë rrjetin hekurudhor dhe atë të autobusëve në Zvicër, nga 11 dhjetori i vitit 2016 do të kushtojë për 205 franga më shumë se deri më tash. Kjo është risia më e “këndshme” e planit të ri të SBB-së, që zakonisht publikohet në fund të vitit.

Këtë plan me disa risi e kanë bërë të njohur sot në një konferencës shtypi autoritetet e SBB/CFF në Bernë.

E re është edhe koha e shkurtuar e rrugës për në kantonin jugor, Ticinon. Me tunelin e ri bazik të Gothardit (më të gjatin në botë, 57 km), trenat do fitojnë gjysmë ore, që domethënë  rruga Cyrih – Lugano, për shembull me tren do të kalohet për vetëm pak më shumë se 2 orë. Brenda çdo dy orëve në këtë tunel do të qarkullojnë nga tre trena në të dy drejtime.

GA i klasit të dytë me të renë do të kushtojë 3860 franga në vit ose 205 franga më shumë se deri tash. Ndërsa ai i klasit të parë, 6300 franga ose 330 më shumë se tash.

Me planin e ri do të ketë shtrenjtime, por më të vogla edhe të biletave individuale. Kështu bileta dydrejtimëshe Cyrih-Bazel, nga 33 franga sa është tash, pritet të kushtojë 34 franga.

Një lehtësim që shihet në planin e ri parasheh që për të shfrytëzuar biletat për fëmijë të mos kërkohet domosdo që personi shoqërues të jetë familjar i tyre, përcjell albinfo.ch. Dhe nga 1 shkurti 2017 për një biletë të fëmijëve do të paguhet 15 franga (përkrah abonamentit me gjysmë çmimi) vetëm 15 franga.