Sport
Shuhet legjenda e Formula 1, Niki Lauda
Ai konsiderohej si një nga pilotët më të mirë të të gjitha kohërave në Formula 1
Ka ndërruar jetë në moshën 70-vjeçare legjenda e Formula 1, Niki Lauda. Austriaku iu nënshtrua transplantit të mushkërive në muajin gusht, teksa u nda nga jeta ditën e hënë.
Lajmin për ndarjen nga jeta të ish-drejtuesit të Mercedes është bërë publik nga gazeta britanike “The Sun”, që shkruan: “Me trishtimin më të madh ju bëjmë me dije se Niki jonë i dashur ka vdekur paqësisht pranë familjes së tij të hënën”. Lauda ishte shtruar në një klinikë zvicerane dhe vuante nga një sëmundje prej kohësh.
Piloti legjendar, një nga figurat më të njohura në gara motorike, mori titullin për Ferrari-n në 1975 dhe 1977 dhe McLaren në 1984, përcjell albinfo.ch.
Për shumëkënd, ai do të mbahet mend për rikuperimin e befasishëm dhe rikthimin në garat e automobilizmit, pasi ishte “përvëluar” gjatë përplasjes së vitit 1976 në Çmimin e Madh të Gjermanisë.
Më 1 gusht të vitit 1976, vetëm një vit pasi ishte shpallur kampion, ai pësoi djegie të gradës së tretë në kokë dhe fytyrë, ndërkohë që gazrat toksikë i dëmtuan mushkëritë pasi njëvendëshja e tij shpërtheu në flakë në pistën e Nurburgringut. Atij iu bënë edhe nderimet e fundit në spital, por si një mrekulli e Zotit, ai u rikuperua dhe u rikthye në gara vetëm 40 ditë më vonë.
Pas karrierës së tij si pilot, Lauda u bë një sipërmarrës në biznesin ajror dhe, së fundi, një kryetar jo-ekzekutiv për Mercedes.
Lauda i cili punoi edhe për disa vite si drejtues te skuadra Mercedes, konsiderohet si një nga pilotët më të mirë të të gjitha kohërave në Formula 1.
E-Diaspora
-
Gjykimi i shqiptarit për vrasjen e dyfishtë në Bazel, nën masa të forta sigurie Ai është dërguar në Gjykatën Penale mëngjesin e së hënës me një automjet të blinduar të...
-
Dikur i mbylli, LDK tani me prioritet riaktivizon nëndegët në mërgatë
-
Shoqata ‘Smira” mbledh bashkatdhetarët në Gjenevë
-
Artistet kosovare, Agona Shporta e Tringa Sadiku, më 2 maj, me koncert në Cyrih
-
Taravari: Asnjë proces i rëndësishëm për vendin nuk është bërë pa diasporën
Jeta në Zvicër
-
Lojë shpërblyese: Fitoni bileta për të shikuar njërin nga 27 filmat në Kino Kosova Platforma mediale albinfo.ch është partner medial i edicionit të katërt i Kino Kosova...
-
Shkurtimet për financimin e arsimit dhe kërkimit në Zvicër ngjallin shqetësime
-
Mjekët milionerë në Zvicër
-
I dënuari për vrasjen e dyfishtë në Bazel: Nuk e dija se armët ishin të vërteta!
-
Miliarderi zviceran jep 243 milionë dollarë për demokratët amerikanë, “çmenden” republikanët