Shuk Orani ekspozon në Bolonjë

Pas pjesëmarrjes së suksesshme në ekspozitën „A Moving Identity“ në NW Gallery në Cambridge të Anglisë, artisti multimedial shqiptar me qëndrim në Gjermani, Shuk Orani, do të ekspozojë punimet e tij edhe në Galerinë Farini Concept / 9° Collettiva Internazionale në Bolonjë të Italisë.

Me ftesën e drejtorit artistik të kësaj galerie, R.Dudine, punimet e artistit Orani që jeton dhe vepron në Hamburg të Gjermanisë, do të jenë pjesë e ekspozitës ndërkombëtare “Art Palace” në hapësirat e pallatit historik Palazzo Fantuzzi.

Ekspozita do të hapet më 5 dhjetor në rezidencën madhështore  të Palazzo Fantuzzi në prani të mysafirëve të nderit Prof. Daniele Degli Angele nga Akademia Arteve te bukura të Bolonjës si dhe Dr. Azzurra Immediato, historian dhe kritik arti në Galleria Farini Concept.