Rihapja e shkollave nëpër botë gjatë pandemisë

Ka praktika dhe përvoja të ndryshme nga vendi në vend, me dallime jo shumë të theksuara në organizimin e mësimit në ditë pandemie

Pjesa më e madhe e botës ka mbetur në një formë bllokimi, por së fundi disa vende ngadalë filluan t’i lehtësojnë kufizimet, ku shkollat po praktikojnë masa të ndryshme për kontrollimin e situatës.

Teksa shtete të tilla si Kina dhe Danimarka rihapin vendet e tyre, ata japin përgjigje, ose të paktën eksperimente, sa të vlefshme janë protokollet sociale të distancës dhe sigurisë.

Maska për fytyrën, deri në një farë mase

Mbrojtja e fytyrës është një situatë e zakonshme për nxënësit kur kthehen në bankat e shkollës. Kina ka përfunduar rihapjet e shkollave gjatë javëve të fundit, nga Hubei në Chongqing e në Guangdong. Dhe nga provinca në provincë, studentët dhe mësuesit përdorin maska sportive për fytyrën, me disa përjashtime, si gjatë orës së palestrës apo drekës.

Në Francë, ku shumica e shkollave u rihapën këtë javë, maskat kërkohet për nxënësit e moshës 11 vjeç e lart. Në qytete të tilla si La Grand-Croix dhe Val-de-Reuil, nxënësit e shkollave fillore kanë vendosur kapele mbrojtëse.

Në Gjermani, ku shkollat filluan të rihapen muajin e kaluar, rregulloret e maskave ndryshojnë sipas qyteteve. Maskat janë të detyrueshme për të gjithë nga mosha 7 vjeç e sipër, në Bavari, për shembull.

Distancimi social, brenda dhe jashtë

Si e zbatoni distancimin shoqëror në klasa të mbushura me njerëz dhe gjatë pushimit? Një mënyrë është të keni studentë që hyjnë dhe dalin nga shkolla në orare të ndryshme, për të kufizuar kapacitetet në klasë dhe korridor. Neë South Wales, shteti më i madh i Australisë, rihapi shkollat të hënën, me studentë që shkojnë në shkollë fizikisht një ditë në javë dhe ditët e tjera mësojnë nga shtëpia.

Një zgjidhje tjetër është vendosja e klasave në ambiente të hapura. Në Danimarkë, që filloi rihapjen e shkollave në mes të prillit, mësimet po mbahen jashtë në parqe, sa më shumë që të jetë e mundur.

Disa shkolla po zbatojnë distancimin shoqëror përmes mënyrave të tilla, si ndarje plastike gjatë drekës, që shihen në Tajvan, dhe rrathë individuale të vizatuar me shkumësa për lojërat në natyrë, si në një kopsht në Francë.

Testet dhe teknologjia për njohjen e fytyrës

Organizata Botërore e Shëndetit rekomandon kontrolle ditore të temperaturave për nxënësit, si pjesë e masave të shëndetit publik të shkollave. Në Shanghai studentët dhe stafi hyjnë në shkollë përmes skanuesve termik. Në shkollën rurale Willoë Creek, një nga shkollat e para që u hap përsëri në SHBA, temperaturat e nxënësve kontrollohen në hyrje.

Testime ndaj covid-19 po kryhen gjithashtu në baza shkollore. Testimi është i zakonshëm në Wuhan, ku studentët rreshtohen për të dhënë mostra të sekrecioneve. Një shkollë e mesme në Neustrelitz, në Gjermaninë veriore, ka testim vetadministrues nga studenti, dy herë në javë, sipas The New York Times. Nëse rezultojnë pozitivë, ata qëndrojnë në shtëpi për dy javë; nëse testojnë negativ, ata vendosin një sticker të gjelbër.

---