Si Shqipëria nuk mund të bie në Ligën D?

Fati i kuqezinjve tashmë është në dorën e Qipros dhe Malit të Zi

Shqipëria humbi 4:0 nga Skocia në Shkodër dhe përfundoi në vendin e fundit në grupin e saj, pas Skocisë dhe Izraelit.

Por, Shqipëria ka gjasa që të mos bie në një ligë më poshtë, shkruan albinfo.ch.

Duhet një kombinim i dy rezultateve që kuqezinjtë të zbresin në Ligën D. Sytë e të gjithë tifozëve do të jenë në Qipro dhe në Mal të Zi, teksa Qipro pret Norvegjinë, ndërsa malazezët presin Rumaninë. Takimi i parë zhvillohet të hënën dhe i dyti, të martën.

I vetmi rast që Shqipëria të renditet si vendi i tretë më i dobët dhe të zbresë në Ligën D, është një fitore e Qipros dhe e Malit të Zi.

Kujtojmë që renditja e vendeve të treta merret në bazë të pikëve të grumbulluara ndaj dy ekipeve të para në grup dhe jo të vendit të fundit. Fati i kuqezinjve tashmë është në dorën e Qipros dhe Malit të Zi.

---