Si u sulmua policia e Kosovës dje në Leposaviq, në veturë u zbuluan 11 migrantë

Raportohet se policia e Kosovës është sulmuar dje në Leposaviq nga një person që dyshohet se po barte 11 migrantë, përcjell albinfo.ch.

Referuar policisë, pas ndalesës ai ka ikur vrullshëm nga policia, duke rrezikuar kështu jetën e zyrtarëve.

Kështu për të ndalur sulmin policia ka shtënë në drejtim të të dyshuarit.

Në vendin e ngjarjes si prova materiale janë gjetur dhe konfiskuar 11 gëzhoja. Rasti në procedurë hetimore nga të gjitha njesitet relevante.

“Leposaviq 08.11.2023 – 01:00. Policia ka ndaluar të dyshuarin mashkull kosovar, ku gjatë kontrollit në veturë i janë hasur 11 persona migrantë, po i njëjti  pasi i  ka zbritur migrantët me veturën e tij është larguar vrullshëm, me ç’rast i ka rrezikuar zyrtarët policorë, të cilët për ta ndaluar sulmin kanë shtënë me armë zjarri në drejtim të dyshuarit. Në vendin e ngjarjes si prova materiale janë gjetur dhe konfiskuar 11 gëzhoja. Rasti është në procedurë hetimore nga të gjitha njësitet relevante”, thuhet në njoftimin e policisë.