Skijimi në Zvicër: Me apo pa vaksinë

(KEYSTONE/Valentin Flauraud)

Me fillimin e sezonit të skijimit, operatorët turistik duan të dinë se çfarë masash mbrojtëse do të zbatohen, por Këshilli Federal nuk e ka shpallur ende vendimin e tij.

“Ne kemi nevojë për planifikim të sigurisë,” tha Mario Bislin, CEO i Flumserberg Ski Lifts për Neue Zurcher Zeitung. “Në fund të fundit, ne duam t’u tregojmë mysafirëve tanë sa më konkretisht të jetë e mundur se si ata duhet të sillen brenda dhe jashtë shpateve”, përcjell albinfo.ch.

Shumë në industrinë e skive janë kundër kërkesës për certifikatën Covid që po debatohet aktualisht nga autoritetet.

“Një kërkesë për certifikatë është e pakuptimtë sepse nuk ndihmon”, tha Bislin, duke shtuar se “në kundërshtim me të gjitha frikat, asnjë vendpushim skish në Zvicër nuk është bërë një pikë e nxehtë”, gjatë sezonit të skive 2020.