Sonte luajnë Shqipëria dhe Kosova

Shqipëria do të jetë mysafire e Spanjës, derisa Kosova e pret Ukrainën

Keystone

Kualifikimet për Kampionatin Botëror “Rusia 2018”, vazhdojnë sonte me ndeshje shumë të rëndësishme, shkruan albinfo.ch.

Shqipëria ndodhet para një testi shumë të vështirë pasi do të jetë mysafire e Spanjës, në një nga përballjet më të vështira kualifikuese.

Për të rënduar edhe më shumë gjendjen janë kartonët dhe lëndimet e lojtarëve, ku Christian Panucci do të ketë shumë vështirë për një rezultat pozitiv. Shqipëria nuk ka gjasa për më tutje, derisa Spanja e ka të sigurt vendin e parë.

Edhe Kosova nuk e ka aspak lehtë, pasi do të pret Ukrainën në Shkodër. Kosova ka vetëm një pikë, derisa Ukraina kërkon fitore për t’u kualifikuar në botëror.

Ndeshjet zhvillohen nga ora 20:45.