Sonte në Tiranë shfaqet filmi shqiptar premierë “2 gisht mjaltë”

Filmi “2 gisht mjaltë” i regjisorit dhe aktorit Ermal Mamaqi, do të nisë së shfaqet në kinematë e Tiranës nga e mërkura. 

Filmi flet për një çift të sapomartuar shqiptar që nisen për muaj mjalti në Karaibe, por nuk arrijnë kurrë në destinacion. Kjo histori vjen me nota humori në këtë komedi romantike që e sjell në rolin e aktores këngëtaren e njohur Elvana Gjata. “2 gisht mjaltë” është prodhimi i dyti që aktori i humorit Ermal Mamaqi sjell për publikun shqiptar. “Çdo gjë ka ndodhur brenda 23 ditëve”, përcjell albinfo.ch.

“Kanë qenë 23 ditë të gjata produksion dhe dy muaj të gjatë postproduksion”, ka thënë Mamaqi në konferencën për media. Ai ka lavdëruar edhe këngëtaren Elvana Gjata për rolin e saj. “Kur njerëzit ta shohin Elvanën në rolin e aktores, do të kuptojnë që ka qenë një diamant i mbuluar për gjithë këtë kohë dhe i shitur ndoshta jo në kapacitetin e saj të plotë”, theksoi ai.