Sonte Seferi përballë Furyt

Seferi numëron vetëm një humbje në karrierën e tij. Ai ka fituar 23 meçe në kategorinë e peshave të mesme, 21 prej triumfeve i ka arritur me nokaut

Ndeshja e shumëpritur ndërmjet Sefer Seferit dhe Tyson Fury do të zhvillohet sonte në Mançester nga ora 23:00, shkruan albinfo.ch.

Ish-kampioni i botës është dukshëm favorit përballë shqiptarit, megjithatë, Seferi nuk hyn në ring me flamur të bardhë dhe do të bëj çmos që të shënojë fitore në meçin më të rëndësishëm në karrierën e tij.

Para meçit janë bërë edhe matjet zyrtare, ku britaniku peshon 25 kg më shumë se Seferi, si dhe është shumë më i gjatë.

Seferi numëron vetëm një humbje në karrierën e tij. Ai ka fituar 23 meçe në kategorinë e peshave të mesme, 21 prej triumfeve i ka arritur me nokaut.

Humbja e vetme e shqiptarit ka ndodhur në shtator të vitit 2016 nga kampioni i WBA-së, Manuel Charr.

Fury nuk ka zhvilluar një ndeshje profesionale boksi që nga nëntori i vitit 2015 kur e mposhti Wladimir Klitschkon për t’i fituar titujt IBF, WBA dhe WBO.