Sot, 70-vjetori i lindjes së Adem Jasharit

Sot është një ditë e shënuar për të gjithë shqiptarët. Shqipëria feston 113-vjetorin e Pavarësisë, përcjell albinfo.ch.

Por 28 Nëntori është një tjetër datë e rëndësishme, e cila përkon me lindjen e kryekomandantit legjendar, heroit të Kosovës, Adem Jashari.

Nëse sot do të ishte gjallë, heroi do të festonte 70-vjetorin e tij të lindjes.

Adem Jashari lindi më 28 nëntor 1955 dhe jetoi deri më 7 mars 1998. Ai ishte kryekomandanti dhe themeluesi kryesor i Ushtrisë Çlirimtare të Kosovës, (UÇK-së).

Lindi më 28 nëntor 1955 në fshatin Prekaz të Poshtëm të Drenicës, në Kosovë dhe ra dëshmor më 7 mars 1998 në të njëjtin fshat, gjatë sulmit në Prekaz. Pas luftës, ai u shpall Hero i Kosovës.

Së bashku me vëllanë e tij Hamzën, Adem Jashari ka marrë pjesë në sulmet kundër forcave policore ushtarake serbe, të cilat më vonë e sulmuan shtëpinë e tij në mars të vitit 1998, ku Adem Jashari ra heroikisht së bashku me 58 anëtarët e familjes së tij. Ky është rast unikal në historinë e luftërave. Ai njihet si Komandanti Legjendar i UÇK-së. Urdhri “Hero i Kosovës” iu dha atij në vitin 2008 nga Kryeministri i Kosovës.