Sot bëhet numërimi i votave me kusht për Prishtinën e Prizrenin

Komisioni Qendror i Zgjedhjeve ka bërë të ditur se fillimisht do të bëhet rinumërimi për Dragashin e Rahovecin e më pas për Prishtinën e Prizrenin

Në Qendrën e Numërimit dhe të Rezultateve, do të fillojë  sot rinumërimi i 35 vendvotimeve nga zgjedhjet për kryetar të Komunës së Dragashit dhe 3 vendvotimeve nga zgjedhjet për kryetar të Komunës së Rahovecit. Ndërsa për Komunën e Prishtinës dhe Prizrenit do të bëhet vetëm numrimi i votave më kusht dhe atyre me postë.

Komisioni Qendror i Zgjedhjeve ka bërë të ditur se fillimisht do të bëhet rinumërimi për Dragashin e Rahovecin e më pas për Prishtinën e Prizrenin, transmeton albinfo.ch. Ky vendim i KQZ-së është marrë pasi Gjykata Supreme hodhi poshtë vendimin e PZAP-së për rinumërim të votave edhe në kryeqytet e Prizren duke e qujatur vendimin si të pa bazë.

Ndërsa Kryesuesi i sekretariatit të Panelit Zgjedhor për Ankesa dhe Parashtresa, Mulë Desku ka thënë se ata kanë pranuar ankesa nga LDK për Istog dhe Lista Serbe për Kllokot dhe se gjatë ditës do të merret vendim për to.