Sot mbahet “Mbrëmja e Astronomisë” në Prishtinë

Sot në kryeqytetin e Prishtinës do të organizohet “Mbrëmja e Astronomisë”.

Në orën 20:00 do të filloj eventi ku të gjithë pjesëmarrësit do të kenë mundësi të vëzhgojnë hënën, planetet dhe yjet me teleskop.

Pas vëzhgimit të hënës, planeteve e yjeve, pjesëmarrësit do të kenë mundësinë të shikojnë të gjithë së bashku një film rreth astronomisë, shkruan Radio K4.

Organizatorët kanë paralajmëruar edhe aktivitete të tjera gjatë mbrëmjes së sotme.

Kjo mbrëmje organizohet nga Klubi i Astronomisë në Kosovë, Grupi “Under One Sky” si dhe “Mia Park – Prishtina”.

“Under One Sky” është një iniciativë rinore që ka për qëllim shpërndarjen e njohurive të shkencës dhe astronomisë si dhe përfshirjen e të gjitha komuniteteve në Kosovë ndërmjet socializimit dhe bashkëpunimit ndëretnik që ndërlidhen me shkencën dhe kulturën e astronomisë, përcjell albinfo.ch.

---