Lajme
Sot në Vjenë u mbajt tubim në përkrahje të Republikës së Kosovës
“*Qendroni me Kosovën!”, “Mbroni demokracinë dhe paqen!”, “Ndaloni autokratët!”, “Ne nuk kemi nevojë edhe për një luftë tjetër!”, janë disa nga mesazhet e shkruara nga qytetarët pjesëmarrës në këtë tubim, raporton albinfo.at
Nën organizimin e këshilltares lokale të Bashkimit Evropian dhe kryetares së shoqatës “Vienna goes Europa”, Kati Schneeberger, sot në sheshin “Platz der Menschenrechte” në Vjenë, u mbajt një tubim me komunitetin shqiptarë, të cilët ishin mbledhur në përkrahje të Republikës së Kosovës, pas zhvillimeve dhe tensioneve të ditëve të fundit në veri.
Qytetarët e grumbulluar kishin shkruar disa pankarta për të dërguar mesazhe për Bashkimin e Evropian që të qëndrojnë me Kosovën duke mbrojtur demokracinë dhe paqen.
“*Qëndroni me Kosovën!”, “Mbroni demokracinë dhe paqen!”, “Ndaloni autokratët!”, “Ne nuk kemi nevojë edhe për një luftë tjetër!”, janë disa nga mesazhet e shkruara nga qytetarët pjesëmarrës në këtë tubim, raporton albinfo.at
Organizatorja Kati Schneeberger ka falënderuar qytetarët e grumbulluar në këtë tubim duke thënë se vetëm duke qenë të bashkuar dërgojmë edhe mesazhet në vendet e duhura.
Ajo tha se gjatë javës së kaluar ishte në Kosovë, ku kishte atje takime me shqiptarët, serbet dhe komunitet tjera dhe që sipas saj, të gjithë dëshirojnë të jetojnë në qetësi dhe paqe.
“Ata dëshirojnë shkollim më të mirë, punë, sistem më të mirë të shëndetësisë, aktivitete dhe mundësi për të rinjtë. Ata dëshirojnë të jetojnë në qetësi dhe paqe me njëri-tjetrin, në një vend pa korrupsion, pa bande kriminale dhe pa përzierje politike me Beogradin”, thotë ndër të tjera ajo, shkruan albinfo.at
Zonja Schneeberger ka folur gjithashtu edhe për reagimin e BE-së, kur kanë dënuar Kosovën për mbrojtjen e institucioneve të saj dhe zbatimin e demokracisë, ndërsa nuk ka dënime për Serbinë, e cila ka shkaktuar sulme të dhunshme ndaj ushtarëve të KFOR-it, gazetarëve dhe Policisë së Kosovës.
Në vazhdim në këtë tubim folën edhe veprimtarët shqiptarë në Austri, Idriz Smajli dhe Fatmir Osmani, ndërkohë manifestimin e udhëhoqi, zonja Kaltrina Durmishi.
E-Diaspora
-
Sot shfaqet në Cyrih filmi “The Land within”, i regjisorit Fisnik Maxville Filmi shfaqet në kuadrin e festivalit të filmit "Kino Kosova" që po mbahet në kinemanë RiffRaff...
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
-
Gjermani
Iu dha lamtumira e fundit dje mërgimtarit nga Gjermania që humbi jetën në vendin e punës
-
Paris
Paris: Sukses i madh i filmit “Tashko & Koço”
Jeta në Zvicër
-
Transmetuesit publikë zviceranë tërhiqen nga X/Twitter Transmetuesit publik zviceran RTS dhe SRF po reduktojnë në mënyrë drastike komunikimet e tyre përmes rrjetit...
-
Air India kthehet në Cyrih pas më shumë se 25 vitesh
-
Cyrih
Aeroporti i Cyrihut, më i pastërti në Evropë
-
Operacioni Pandora: Qendrat e thirrjeve mashtruan edhe në Zvicër
-
Testet e para në Appenzell për të prezantuar patentë shoferin digjital