Sot zbulohet shtatorja e vogëlushit të vrarë nga forcat serbe në Skenderaj

Bëhet e ditur se sot, me rastin e ditës që shënon përvjetorin e Çlirimit të Komunës së Skënderajt, në hapësirat e këtij qyteti do të bëhet inaugurimi i shtatores së Leotrim Ahmetit, shtatëvjeçar, i vrarë nga forcat serbe gjatë luftës në Kosovë, përcjell albinfo.ch.

Ndaj në përurimin e kësaj shtatoreje, kryetari i Skenderajt, Fadil Nura, u ka bërë thirrje të gjithë pjesëmarrësve ta nderojnë me nga një lule, jetën e Leotrim Ahmetit.

”Nga një lule për mirëseardhjen e Leotrimit, nesër në Ditën e Çlirimit!”.

Për pjesëmarrje masive, në kujtim të shtatëvjeçarit dhe nderim të tij, ka shkruar edhe Sabri Behramaj, skulptori i cili e punoi shtatoren.

”Të nderuar liridashës, miq, artistë dhe artdashës, nesër, më 18, në orën 13:30 jeni të ftuar të merrni pjesë në përurimin e shtatores së Leotrim Ahmetit në qytetin e Skenderajt”.