Spanja sërish kampione

Duke e fituar trofeun e evropianit, Spanja po bëhet shteti i parë që e fiton atë dy herë radhazi

Spanja sërish fiton titullin e Kampionit evropian të futbollit. Me një fitore të thellë kundër Italisë, me rezultat 4 me 0, skuadra spanjolle ka treguar një epërsi të padiskutueshme.

Pjesa e parë e ndeshjes ka përfunduar me rezultatin 2:0. Golin e parë e ka shënuar Silva në minutën 14. Ndërsa në të 41-tën ka qenë Alba i cili ka shënuar gol.

Në minutën 84 ka qene radha e Torres-it për ta ngritur rezultatin në 3:0 ndërsa atë e ka kurorëzuar me 4:0 Mata.

Duke e fituar trofeun e evropianit, Spanja po bëhet shteti i parë që e fiton atë dy herë radhazi. Po ashtu Spanja është edhe fituese e kampionatit të fundit botëror të futbollit, që i bie se ajo ka fituar tre trofe në tri kampionate me radhë.

Fitorja 4:0 ka qenë më e thella e arritur në finalet e kampionateve të deritashme evropiane, ndërsa fitorja kundër Italisë ishte e dhjeta për Spanjën pa pësuar asnjë gol. Portieri spanjoll Casillas gjatë kësaj kohe ka pësuar gola vetëm nga penalltitë, katër sish.