Stokholm, prezantohet kultura shqiptare në muajin e Frankofonisë

Ambasada e Kosovës në Stokholm mori pjesë në këto aktivitete, duke festuar gjuhën dhe kulturën frankofone së bashku me shtetet e tjera anëtare.

Mars është muaji i Frankofonisë. Si vend vëzhgues në Organizatën Ndërkombëtare të Frankofonisë (OIF), Ambasada e Kosovës në Stokholm mori pjesë në këto aktivitete, duke festuar gjuhën dhe kulturën frankofone së bashku me shtetet e tjera anëtare, përcjell albinfo.ch.

Më 5 mars morëm pjesë në Ditën e Frankofonisë në Folkuniversitetet, ku prezantuam ushqime tradicionale të Kosovës për pjesëmarrësit dhe vizitorët e shumtë.

Më 25 mars do të shfaqim dokumentarin “Sans Le Kosovo” (Pa Kosovën), të realizuar nga regjisorja kosovare Dea Gjinovci, në kinemanë Zita Folkets Bio.

Për të përmbyllur aktivitetet tona, më 26 mars do të mirëpresim Nisa Sherifin, një profesioniste nga Kosova me vendbanim në Paris, në një aktivitet të veçantë diskutimi librash në gjuhën frënge. Ajo do të debatojë rreth romanit Moi, Tituba, Sorcière të autores Maryse Condé, duke sjellë një perspektivë unike mbi këtë vepër të rëndësishme letrare.

Duke festuar diversitetin dhe pasurinë e botës frankofone, forcojmë lidhjet tona kulturore!

https://www.facebook.com/share/p/1XtnFTqjZG/?mibextid=wwXIfr

---