Lajme
Studentët në Romë kërkojnë rihapjen e shkollave
Dhjetëra studentë zhvilluan një protestë në shkollën e tyre në Romën qendrore të hënën, duke kërkuar që qeveria të rihapë sektorin e arsimit në gjithë vendin, pasi shumica e 20 rajoneve të saj zgjatën mbylljet për të përmbajtur infeksionet në rritje të COVID-19.
Shkollat italiane u rihapën në mes të shtatorit pas një ndalese gjashtëmujore – më e gjata në Evropë – por mësimet ballë për ballë në shkollat e mesme në të gjithë vendin u ndërprenë gradualisht përsëri një muaj më vonë, për shkak të një rritje të re të rasteve.
“Shkolla është thelbësore. Ne po kërkojmë një kthim të sigurt në aktivitetet ballë për ballë”, tha studenti Emanuele Santori gjatë një demonstrate në Romë jashtë shkollës së tij Cavour nën hijen e Koloseut. Nxënësi tjetër, Ilaria Rinattieri, shtoi: “Ne jemi të rinj, por është gjithashtu e vërtetë që ne do të jemi votuesit e ardhshëm elektoralë, punëtorët dhe qytetarët e nesërm”.
Javën e kaluar qeveria tha që shkollat e mesme mund të rifillojnë me kapacitet 50% që nga 11 janari, por vetëm 4 rajone janë rihapur. Shumica e drejtuesve rajonalë thanë se ishte shumë herët dhe urdhëruan që kthimi në klasa të shtyhej për disa javë. Krerët e fuqishëm rajonalë të Italisë mund të përmbysin urdhrat e qeverisë qendrore për çështje të caktuara, përfshirë arsimin.
“Unë kam bërë gjithçka që mund të bëja, shkollat janë gati të fillojnë, por rajonet kanë aftësinë t’i rihapin ose jo”, i tha ministri i Arsimit, Lucia Azzolina, transmetuesit shtetëror RAI, shkruan “Reuters”, përcjell tutje albinfo.ch.
E-Diaspora
-
SH.K.A “Dardania” përfaqëson Shqipërinë e Kosovën në Festivalin në Winterthur Të njëjtën ditë me dy paraqitje, njëra në Winterthur e tjetra në Luzern! ...
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
Jeta në Zvicër
-
Zvicër: Kostot e sistemit shëndetësor kanë arritur 91.5 miliardë franga Statistikat tregojnë se trajtimet kurative spitalore, trajtimet kurative ambulatore dhe trajtimet afatgjata dhe mbështetëse së bashku...
-
Adoleshenti kosovar, i dyshuar për ISIS, e quan veten “Bombarduesi”
-
Tifozët e Cyrihut shkaktuan 100,000 CHF dëme
-
Bazeli lufton mushkonjat
-
Zvicër: Nis fushata për uljen e primeve të sigurimit shëndetësor