Lajme
Stuhi masive në SHBA në prag të festave
Dhjetëra-miliona amerikanë po përballen me temperatura të acarta, rreshje dëbore, ndërprerje të energjisë elektrike dhe anulim të planeve për festat, nga një stuhi dimërore që metereologët thonë se është pothuajse e paprecedentë për nga shtrirja e saj, duke ekspozuar rreth 60% të popullsisë së Shteteve të Bashkuara ndaj motit dimëror.
Më shumë se 200 milionë vetë rrezikoheshin të premten të prekeshin nga moti i keq, tha Shërbimi Kombëtar i Motit.
Ndërprerjet e energjisë kanë lënë më shumë se 1.4 milionë shtëpi dhe biznese në errësirë, sipas faqes së internetit PowerOutage, e cila gjurmon raportet e shërbimeve elektrike.
Ndërkohë afro 3,900 fluturime brenda vendit dhe ndërkombëtare u anuluan të premten, sipas faqes FlightAware, duke shkaktuar më shumë kaos ndërsa udhëtarët përpiqen të kthehen në shtëpitë e tyre për pushime. Disa aeroporte, përfshirë Aeroportin Ndërkombëtar të Siatëllit, i mbyllën pistat.
Stuhia masive është përhapur thuajse në gjithë vendin dhe më tej. Në Kanada, kompania WestJet anuloi të premten të gjitha fluturimet në Aeroportin Ndërkombëtar Pearson të Torontos, duke filluar nga ora 9 e mëngjesit dhe në Meksikë, migrantët prisnin pranë kufirit të Shteteve të Bashkuara, në temperatura jashtëzakonisht të ftohta.
Parashikuesit e motit thanë se një ciklon bombë – kur presioni atmosferik bie shumë shpejt duke shkaktuar një stuhi të fortë – po konsolidohej pranë Liqeneve të Mëdha, duke shkaktuar erëra të forta dhe dëborë.
Zëdhënësja e policisë në Kansas City, Donna Drake tha se një shofer minibusi vdiq të enjten pasi humbi kontrollin në rrugët e akullta dhe u përmbys në një përrua.
Ndërkohë aktivistët po nxitojnë për të mbrojtur të pastrehët nga i ftohti.
Në Miçigan, trashësia e dëborës arriti në 15 centimetra në zonën Grand Rapids, dhe reshjet do të vazhdojnë ndoshta deri në mëngjesin e Krishtlindjes.
Shërbimi i motit po parashikon Krishtlindjet më të ftohta në më shumë se dy dekada në Filadelfia të Pensilvanisë dhe shumë nga shkollat anuluan mësimin.
Në Buffalo të shtetit të Nju Jorkut, kryebashkiaku Byron Brown u bëri thirrje njerëzve të qëndrojnë në shtëpi pasi meteorologët paralajmëruan se qyteti mund të kishte deri në 1.2 metra borë gjatë fundjavës.
Rreth 150,000 shtëpi dhe biznese në Masaçusets, Rhode Island, Maine, New Hampshire dhe Vermont nuk kishin energji elektrike që nga mëngjesi i së premtes. Në Konektikat pati 100,000 raste të ndërprerjes së energjisë./VOA
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
Jeta në Zvicër
-
Ja sa janë rritur fitimet e shefave të sigurimeve shëndetësore në Zvicër Që nga viti 2016, kompanitë e sigurimeve shëndetësore janë të detyruara të bëjnë të ditur kompensimin...
-
Sa banorë të huaj bëhen shtetas zviceranë çdo vit?
-
Filmi “The Land within”, lufta në Kosovë, e vështruar nga një kënd tjetër
-
Qindra studentë protestuan para Universitetit të Lozanës
-
Fëmijët të mbahen larg celularëve