Suedia relakson masat e koronës

Këtë vendim qeveria e ka marrë  për shkak të numrit më të ulët të infektimeve dhe rritjes së normës së vaksinimit në mesin e popullatës

Që nga e enjtja (sot), sipas fazës numër tre të planit suedez të hapjes, nuk zbatohet më kufiri në numrin e pasagjerëve në distancë të gjatë me autobus dhe tren.

Për më tepër, duke filluar nga sot, në Suedi nuk ka më as kufizime në metra katrorë për klientët dhe vizitorët në dyqane, muze, parqe dëfrimi dhe në  studiot e fitnesit, shkruan srf.ch. duke ju refereuar mediave suedeze.

Qeveria Suedeze dhe autoritetet shëndetësore kanë vendosur për këtë dhe lehtësime tjera të hënën, transmeton albinfo.ch. Këtë vendim ajo e ka marrë  për shkak të numrit më të ulët të infektimeve me korona dhe rritjes së normës së vaksinimit në mesin e popullatës.

Situata në Suedi është e qëndrueshme, që do të thotë se këto lehtësime janë të mundshme pa marrë mbi vete ndonjë rrezik të madh.

Sidoqoftë, mjeku përgjegjës për pandmeinë në nivel nacional, Tegnell ka paralajmëruar: “Ne jemi akoma në mes të një pandemie”.

---