Sulmuesi me thikë, ia mbath nga frika prej kosovares!

Gruaja e sulmuar kishte ruajtur gjakftohtësinë, duke u mbrojtur dhe duke bërtitur me të madhe e kishte shtyrë sulmuesin të merrte vrapin

Një burrë i paidentifikuar, me paraqitje të çuditshme, me një shami në kokë dhe me trupin e mbështjellë me një mbulesë të zezë, ka sulmuar me thikë një grua të re kosovare në banesën e saj në Reinach të kantonit Aargau.

Sulmi ka ndodhur të martën, në orën 5.30 të mëngjesit

Personi i panjohur kishte hyrë befasisht, përmes derës së hapur në banesën e gruas dhe e kishte kërcënuar atë me një thikë. Por gruaja e kishte ruajtur gjakftohtësinë, duke u mbrojtur dhe duke bërtitur me të madhe e kishte shtyrë sulmuesin të merrte vrapin. Pastaj ajo ka alarmuar policinë.

Policia tash është në kërkim të dëshmitarëve që mund të kenë parë lëvizje të dyshimta, shkruan aargauerzeitung.ch. Sipas përshkrimit të kosovares, sulmuesi është një burrë rreth 60 vjeçar, me gjatësi rreth 1.65m. me mjekër të thinjur dhe me syze.

Nisur nga paraqitja e çuditshme e sulmuesit dhe përfundimi pa pasoja i sulmit, motivi i këtij akti mbetet i paqartë për policinë kantonale, e cila ka filluar hetimet.