“Super nëna” çeke sjell në jetë 5 binjakë

Pesë binjakë kanë lindur për herë të parë në Çeki në spitalin “Podolska” në Pragë

Mjekët thanë se nëna 23-vjeçare ka lindur shëndosh e mirë katër djem dhe një vajzë. 

Sipas njoftimeve të medieve çeke, foshnjat peshojnë rreth 1.200 gram.

Për shkak se foshnjat kanë lindur para kohe do të vazhdojnë të qëndrojnë në spital për rreth një muaj. 

“Super nëna” çeke, e cila pas lajmit u bë e njohur në tërë vendin dhe partneri i saj tashmë kanë një djalë pesëvjeçar.

Komuna ku jetonte çifti i ri afër Pragës tashmë ka ofruar një apartament prej 120 metrash katrorë dhe do të paguajë një infermiere, e cila do të ndihmojë binjakët derisa të mbushin katër vjet.

Pasi lajmi u bë publik, shumë qytetarë dhe kompani ofruan ndihmë financiare. Në Republikën Çeke kanë lindur katër binjakë 10 vjet më parë, ndërsa nga viti 1950 nga katër foshnja binjake kanë lindur 11 herë.