SVP i fiton zgjedhjet në Zvicër

Zviceranët të dielën kanë votuar për parlamentin e ri dhe nga rezultatet e para po udhëheq Partia Popullore Zvicerane (SVP), e cila në fushatën e saj ka bërë përpjekje që të përmirësoj pozitën e saj mbi çështjen e emigracionit.

SVP-ja ka shtuar numrin e ulëseve në përbërjen e re parlamentare të Zvicrës duke shënuar ngritje në shumicën e kantoneve.

Partia nacionaliste zvicerane  (SVP), partia më e fortë në vend, ka theksuar kërcënimin ndaj emigrantëve, si në qendër të fushatës së saj, dhe argumentoi se në Zvicër deri në vitin 2030 gjysma e popullsisë do të jenë emigrantë.

Të huajt tani përbëjnë një të katërtën e tetë milionë banorëve të vendit.

Kriza e refugjatëve që ka kapluar Evropën ishte fokusi në fushatës zgjedhore zvicerane, edhe pse Zvicra është ndër destinacionet kryesore për mijëra emigrantë, të cilët çdo ditë vijnë në kontinentin e Evropës.

Numri i emigrantëve dhe refugjatëve që vijnë në Zvicër, kryesisht përmes Chiasso, një qytet i vogël në kufi me Italinë, dhe vendin kryesor të hyrjes së emigrantëve në Zvicër është rritur ndjeshëm, dhe në shtator arriti në 3000, i cili është dyfishi i numrit të regjistruar në të njëjtën periudhë të vitit të kaluar.

Duke marrë parasysh sistemin e komplikuar zgjedhor në Zvicër, në të cilën rregullat kryesore arrihen me konsensus dhe për ndarjen e pushtetit, është më e lehtë për të fituar zgjedhjet se sa për të zgjeruar pushtetin politik.

Kështu, qeveria zvicerane do të jetë në gjendje, pavarësisht duke e kthyer në të drejtën përmes rezultateve të zgjedhjeve të duket shumë më ndryshe pas votimit.

Zgjedhjet në Zvicër rrallë çojnë në ndryshime të mëdha në qeveri, e cila ka vetëm shtatë anëtarë dhe resorët janë të ndarë në mënyrë të barabartë ndërmjet partive më të forta dhe prandaj ekzekutivi nuk pasqyron drejtpërdrejt balancin e pushtetit në parlament.