Lajme
Tahiri i 37-ti në Botërorin e skijimit, Tola i Shqipërisë, tri pozita më lart
Albin Tahiri ka kompletuar dy lëshime të premten në Kampionatin Botëror të skijimit alpin që po mbahet në Cortina d’Ampezzo të Italisë. Ai kishte kohë të përgjithshme prej 25.91 sekondash më të ngadalshme se fituesi i garës në sllallom të madh. Koha e përgjithshme prej 3:03.16 minuta i mjaftoi për t’u renditur në vend të 37-të në disiplinën e sllallomit të madh.
Në lëshimin e parë Tahiri ishte i 52-ti me kohë prej 1:30.81 minuta. Më të dobët e kishte rezultatin në lëshimin e dytë, 1:32.35 minuta, por që i mjaftoi për t’u renditur në vend të 37-të në këtë disiplinë.
Të dy lëshimet i kompletuan vetëm 44 skitarë. Pra Tahiri la pas vetes shtatë skitarë nga vende si Rumania, Qipro, Portugalia, Irani, Libani e San Marino.
“Mendoj se është rezultat i mirë. Vendi i 37-të në kampionatin botëror nuk është i keq, por më duhet të them se shtegu ishte shumë i vështirë, kishte shumë akull, sidomos në fillim. Ky ishte lëshimi më i gjatë që kam bërë ndonjëherë. Në përgjithësi jam i lumtur që e përfundova garën dhe e vendosa flamurin e Kosovës në pozitën e 37-të në botë”, ka thënë Tahiri për faqen zyrtare të KOK-ut.
Kampion i botës në sllallom të madh u shpall francezi Mathie Faivre me kohë prej 2:37.25 minuta. Luca De Aliprandini i Italisë u rendit i dyti me kohë prej 2:37.88 minuta. Marco Schwarzi Austrisë u rendit i treti me kohë prej 2:38.12 minuta.
Kohë më të mirë se Tahiri kishte Erjon Tola i Shqipërisë. Tola karrierën e zhvillon në Itali, ndërsa Tahiri në Slloveni. Tola në sllallom të madh u rendit i 34-ti me kohë të përgjithshme prej 2:59.27 minuta. Ishte i fundit që rezultatin e përgjithshme e kishte nën 3 minuta.
Tahiri e Pupovci të shtunën paraqiten në kualifikimet e sllallomit, me shpresë për t’u paraqitur të dielën në lëshimet finale.
E-Diaspora
-
Koncert në Cyrih nga dy artiste shqiptare, Agona Shporta dhe Tringa Sadiku Në Cyrih do të mbahet një koncert më 02.05.2024 duke filluar nga ora 21:10, në adresen...
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe
-
8 filma nga Kosova dhe Shqipëria do të prezantohen në Festivalin e Filmit “goEast” 2024
-
Partneritet mes studentëve të Universitetit të Lucernit dhe atyre nga Maqedonia
Jeta në Zvicër
-
Lojë shpërblyese: Fitoni bileta për të shikuar njërin nga 27 filmat në Kino Kosova Platforma mediale albinfo.ch është partner medial i edicionit të katërt të Kino Kosova...
-
Shkurtimet për financimin e arsimit dhe kërkimit në Zvicër ngjallin shqetësime
-
Mjekët milionerë në Zvicër
-
I dënuari për vrasjen e dyfishtë në Bazel: Nuk e dija se armët ishin të vërteta!
-
Miliarderi zviceran jep 243 milionë dollarë për demokratët amerikanë, “çmenden” republikanët