E-Diaspora
Austri: Për unifikimin e shoqatave shqiptare
Në Austri, në Ambasadën e Republikës së Kosovës në Vjenë, përfaqësuesit e Ministrisë së Diasporës dhe Investimeve Strategjike patën takime me përfaqësuesit e Këshillit koordinues të shoqatave shqiptare në Austri, konkretisht me kryetaren e këshillit, znj. Sara Michel dhe me anëtarë të tjerë të Këshillit të shoqatave shqiptare.
Në këtë takim, Këshilli i shoqatave shqiptare u njoftua për projektin që ka nisur MDIS-i për unifikimin e shoqatave shqiptare në diasporë, nismë kjo që u mirëprit.
Ndërkaq, anëtarët e Këshillit koordinues të shoqatave shqiptare shpalosën mënyrën e funksionimit të këshillit, përbërjen e tij, anëtarësinë e shoqatave brenda këshillit, planin për zgjerimin e këshillit dhe më gjerë, planifikimin e aktiviteteve në fusha të ndryshme etj., përcjell albinfo.ch.
Gjatë këtij takimi u dakorduam që këtë praktikë të mirë të funksionimit të këshillit të shoqatave ta përcjellim edhe në vende të tjera ku veprojnë ato.
Në takim me ta u diskutuan dhe u harmonizua agjenda për aktivitetet e përbashkëta ndërmjet Ministrisë së Diasporës dhe Investimeve Strategjike dhe Këshillit koordinues të shoqatave shqiptare në Diasporë, konkretisht për organizimin e “Ditëve të Kulturës Shqiptare në Austri”, të cilat do të zgjasin deri në dhjetor.
Anëtarët e këtij këshilli e falënderuan MDIS-in për mbështetjen e vazhdueshme që u japin për aktivitetet kulturore në Austri.
Të tjera nga E-Diaspora
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Zviceranët duan të ulin kostot e kujdesit shëndetësor Mbështetësit e UDC janë të vetmit që shprehen kundër modifikimit të ligjit federal për energjinë dhe...
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën
-
Bazel: Dënohet me burgim të përjetshëm shqiptari për vrasjen e dyfishtë